ᑎᒃᑯᐊᓯᓂ ᐅᒃᑯᐃᖔᑐᖅ

Register before ᐃᓐᓃᕐᕕᐊᓯ 09.

ᐅᕙᑦᑎᓅᓕᖓᔪᑦ

01

ᑐᕌᒐᓱᐊᕐᑕᖏᑦ

ᖄᖏᓐᓂᑯᓕᐅᕐᑎᐅᖏᑦᑐᒍᑦ ᐃᓄᓐᓄᑦ ᑲᑐᑦᔨᖃᑎᒌᑦᑎᐅᓱᑕ ᑎᓕᔭᐅᒪᐅᑎᖃᕐᓱᑕ ᓴᐳᑎᓯᒪᓂᕐᒧᑦ ᐆᒪᔪᕐᓂᐊᕈᓐᓇᐅᑎᖏᓐᓂᒃ ᐃᓄᐃᑦ ᓱᕐᖁᐃᓯᓯᒣᓐᓇᓗᑕᓗ ᐱᑕᙯᓐᓇᕆᐊᖃᕐᓂᖏᓐᓂᒃ. ᐱᒍᑦᔨᔨᐅᑦᓱᑕ ᐱᓇᓱᕝᕕᐅᔪᒍᑦ ᓂᕐᔪᑎᓕᒫᓅᖓᔪᑦ ᐃᓱᐃᓗᑕᖏᓐᓄᑦ ᑐᑭᑕᐊᑦᑎᓯᓂᖃᕐᓗᑕᓗ ᒪᙯᓐᓂᓯ, ᓄᖑᐃᓐᓇᑎᑦᓯᑌᓕᓂᕐᒥ ᖃᐅᔨᓴᕐᓂᒥᓪᓗ. ᐱᓇᓱᕝᕕᑕ ᐊᑎᖏᑦ ᐊᒥᓱᑦ, ᐃᓚᖃᕐᓱᑎᒃ ᐊᖑᕕᒐᕐᒥᒃ, ᓄᓇᕕᒻᒥ ᒪᙯᓐᓂᒧᑦ ᐃᖃᓪᓕᐊᓂᕐᒧᑦ ᒥᑭᒋᐊᓐᓂᐊᓂᕐᒧᓗ ᑲᑐᑦᔨᖃᑎᒌᑦᑏᑦ (NHFTA) ᓄᓇᓕᓕᒫᓂᓪᓗ ᓄᓇᕕᒻᒥ ᐆᒪᔪᓕᕆᔩᑦ ᑲᑐᑦᔨᖃᑎᒌᓐᓂᖓ (RNUK), ᓇᓗᓀᕐᓯᕗᑦ ᐱᓇᓱᕝᕕᑕ ᐱᕙᓪᓕᐊᓯᒪᓂᖓᑕ ᖃᖓᐅᓂᕕᓂᖏᓐᓂᒃ ᑲᒪᒋᔭᑦᓴᖏᓐᓂᓗ ᑐᓂᔭᐅᓯᒪᔪᑦ ᓄᓇᕕᒻᒥ ᐃᓄᐃᑦ ᓄᓇᒥᒃ ᐊᖏᖃᑎᒌᒍᑎᖏᓐᓄᑦ.

ᓴᐳᑦᔨᓲᖑᕗᒍᑦ ᐊᖑᕕᒑᐱᒃᑯᓂᒃ, ᖃᐅᔨᒪᔭᐅᒍᑎᖃᕐᒥᔪᑦ ᓄᓇᓕᒻᒥ ᒪᙯᓐᓂᒧᑦ ᐃᖃᓪᓕᐊᓂᕐᒧᑦ ᒥᑭᒋᐊᓐᓂᐊᓂᕐᒧᓗ ᑲᑐᑦᔨᖃᑎᒌᑦᑏᑦ (LHFTA) ᐅᕙᓘᓐᓃᑦ ᓄᓇᕕᒻᒥ ᐆᒪᔪᓕᕆᔩᑦ ᑲᑐᑦᔨᖃᑎᒌᓐᓂᖓᓂᒃ (LNUK), ᓂᕈᐊᕐᑕᐅᓲᑦ ᓄᓇᓕᓕᒫᓂ ᓄᓇᓕᒻᒥ ᓂᕐᔪᑏᑦ ᐆᒪᔪᕐᓃᓗ ᐊᐅᓚᑕᐅᓂᖏᓐᓂᒃ. ᓄᓇᓕᓐᓂ ᐊᑐᓂᑦ ᐊᖑᕕᒑᐲᑦ ᑲᑎᒪᔨᖏᑦ ᒪᙯᑦᑎᐅᕗᑦ, ᒥᑭᒋᐊᓐᓂᐊᑎᐅᑦᓱᑎᒃ ᐃᖃᓪᓕᐊᑎᐅᑦᓱᑎᓪᓘᓃᑦ ᖃᐅᔨᒪᓂᖃᒻᒪᕆᓐᓂᒥᓄᑦ ᓴᕐᕿᑎᑦᓯᓯᐊᕈᓐᓇᓱᑎᒃ ᓄᓇᓕᒻᒥ ᓂᕐᔪᑎᓕᕆᓂᕐᒥ ᓯᕗᓪᓕᐸᐅᔨᒋᐊᓕᓐᓂᒃ ᐃᓱᒫᓘᑎᓂᓪᓗ. ᓇᓗᓀᕐᓯᓲᑦ ᓄᓇᓕᒻᒥ ᐊᐅᓚᑦᓯᓂᓕᕆᓂᕐᒧᑦ ᐱᓂᐊᕐᓂᓂᒃ ᑐᓴᐅᒪᖃᑎᒌᒍᑎᖃᕐᓂᒧᓪᓗ ᐃᓱᒫᓘᑎᓂᒃ ᓄᓇᓕᓕᒫᓄᑦ ᑲᑎᒪᓂᖏᓐᓄᑦ.

Our specific objectives:

  • ᓱᕐᖁᐃᓯᓯᒪᓂᖅ ᓄᖑᐃᓐᓇᑐᐃᓐᓇᑎᑦᓯᑌᓕᓂᕐᒧᑦ ᓂᕐᔪᑎᓂ ᐱᑦᓴᑖᕐᕕᐅᓲᓂᒃ ᑕᑯᓐᓇᓂᖃᕐᓱᑎᒃ ᒫᓐᓇᐅᑎᓪᓗᒍ ᓯᕗᓂᕐᒥᓗ ᐱᑕᖃᑦᓯᐊᕆᐊᖃᕐᓂᖏᑦ;
  • Pᓴᐳᑦᔨᓯᒪᓂᖅ ᓂᕐᔪᑏᑦ ᓇᔪᒡᒐᔪᓲᖏᓐᓂᒃ;
  • ᓱᕐᖁᐃᓯᒪᑦᓯᐊᑎᑦᓯᓂᖅ ᓯᕗᓪᓕᐸᐅᑎᒋᐊᓕᓐᓂᒃ ᐆᒪᔪᕐᓂᐊᓂᕐᓂ ᐊᓯᓕᒫᖏᓐᓂ ᐊᑐᕐᑕᐅᓂᖏᓐᓂ ᓂᕐᔪᑏᑦ;
  • ᓱᕐᖁᐃᓯᓯᒪᓂᖅ ᐃᓕᑕᕐᓯᔭᖃᕐᓂᓗ ᖃᓄᐃᓘᕐᑎᐅᓂᖏᓐᓂᒃ ᐃᓄᐃᑦ ᖃᐅᔨᒪᓂᒻᒪᕆᖏᓐᓂᒃ ᐊᐅᓚᑦᓯᖃᑎᒌᓐᓂᒥ ᓂᕐᔪᑎᓂ ᐱᑦᓴᑖᕐᕕᖃᕐᓂᓄᑦ;
  • ᐃᓕᓐᓂᐊᑎᑦᓯᓂᖅ, ᐱᒋᐅᕐᓴᑎᑦᓯᓂᖅ ᐃᓄᓐᓂᒃ ᐃᓄᐃᓪᓗ ᐱᓇᓱᕝᕕᖏᓐᓂᒃ ᐊᐅᓚᑦᓯᓂᖃᕐᓂᒧᑦ ᓂᕐᔪᑎᓕᕆᓂᕐᓂ ᓇᒻᒥᓂᖅ.
02

ᐱᓇᓱᑦᑏᑦ

ᐳᕐᑐᓂᕐᓴᒥ ᐱᓇᓱᑦᑏᑦ

Picture of ᔦᒥᓯ ᒣ ᔦᒥᓯ ᒣ ᐊᖓᔪᕐᖄᖅ ᑕᓯᐅᔭᖅ Picture of ᐱᓕ ᐹᓚᓴ ᐱᓕ ᐹᓚᓴ ᐊᖓᔪᕐᖄᑉ ᑐᖓᓕᖓ ᐳᕕᕐᓂᑐᖅ Picture of ᑖᓂᐊ ᐅᕝᕙᐅᑦ ᑖᓂᐊ ᐅᕝᕙᐅᑦ ᑮᓇᐅᔭᓕᕆᔨ ᖁᐊᕐᑕᖅ

ᐱᓇᓱᑦᑏᑦ

Picture of ᒥᑫᓚ ᓃᓕᓐ ᒥᑫᓚ ᓃᓕᓐ ᓂᕐᔪᑎᓕᕆᓂᕐᒥ ᑐᑭᒧᐊᑦᑎᓯᔨ ᑕᓯᐅᔭᖅ Picture of ᔪᐁ ᐊᔭᒍᑕᖅ ᔪᐁ ᐊᔭᒍᑕᖅ ᓂᕐᔪᑎᓕᕆᓂᕐᒥ ᐊᓪᓚᕕᒻᒪᕆᖓᓕ ᐊᐅᓚᑦᓯᔨ ᑰᑦᔪᐊᕌᐱᒃ Picture of ᓵᓴ ᑯᑭᐊᐱᒃ ᓵᓴ ᑯᑭᐊᐱᒃ ᓂᕐᔪᑎᓕᕆᓂᕐᒥ ᐊᓪᓚᕕᒻᒪᕆᖓᓕ ᐊᐅᓚᑦᓯᓂᓕᕆᔨ ᐃᓄᒃᔪᐊᖅ Picture of ᕃᒪᓐ ᒥᑉᐱᒑᒃ ᕃᒪᓐ ᒥᑉᐱᒑᒃ ᐆᒪᔪᑦᑐᑦ ᑲᒪᒋᔭᐅᒍᑎᖏᓐᓂᒃ ᐊᑕᐅᑦᓯᑰᕐᑎᓯᔨ ᑰᑦᔪᐊᕌᐱᒃ Picture of ᐋᓕᒃ ᓂᕕᐊᕐᓯ ᐋᓕᒃ ᓂᕕᐊᕐᓯ ᓄᓇᕕᒻᒥ ᐱᓇᓱᐊᕋᑦᓴᓕᐊᖑᓯᒪᔪᓄᑦ ᐊᑕᐅᑦᓯᑰᕐᑎᓯᔨ ᐅᒥᐅᔭᒃ Picture of ᒥᐊᔨ ᐴᑎ ᒥᐊᔨ ᐴᑎ ᑐᓴᐅᒪᐅᑎᑎᑦᓯᓂᕐᒨᖓᔪᓂᒃ ᑐᑭᒧᐊᕐᑎᓯᔨᒃ ᑕᓯᐅᔭᖅ

ᐱᓇᓱᖃᑎᖕᖑᕆᑦ

ᐱᓇᓱᒍᒪᔪᑦ ᐱᔪᑦᓴᐅᔮᕈᑎᖏᓐᓂᒃ ᕿᐱᓗᓲᖑᖕᖏᑐᒍᑦ ᐊᕐᕌᒍᓕᒫᒥ ᐱᔪᑦᓴᐅᔮᕈᑏᑦ ᐊᓪᓚᕕᑦᓴᖏᑦ ᐊᑐᕐᓱᒋᑦ ᖃᕆᑕᐅᔭᒃᑯᓘᓐᓃᑦ ᐊᓪᓚᑖᕐᕕᑯᑦ (info@anguvigaq.ca). ᖃᐅᔨᒪᔭᐅᒋᐊᓕᒃ ᐱᔪᑦᓴᐅᔮᕈᑎᓯ ᓇᔪᕐᑎᕆᒐᔭᕋᑦᑎᒋᑦ ᐱᕕᑦᓴᑖᕐᕕᓴᖅ ᓈᒻᒪᓯᖕᖏᓂᖓᓂ.

ᑕᑯᒋᐊᕐᓗᒋᑦ ᐱᓇᓱᒉᑦ ᐊᑐᐃᓐᓀᑦ

03

ᑲᑎᒪᔩᑦ

Picture of ᔦᒥᓯ ᒣ ᔦᒥᓯ ᒣ ᐊᖓᔪᕐᖄᖅ ᑕᓯᐅᔭᖅ Picture of ᐱᓕ ᐹᓚᓴ ᐱᓕ ᐹᓚᓴ ᐊᖓᔪᕐᖄᑉ ᑐᖓᓕᖓ ᐳᕕᕐᓂᑐᖅ Picture of ᑖᓂᐊ ᐅᕝᕙᐅᑦ ᑖᓂᐊ ᐅᕝᕙᐅᑦ ᑮᓇᐅᔭᓕᕆᔨ ᖁᐊᕐᑕᖅ

ᓄᓇᓕᓐᓂ ᑭᒡᒐᑐᕐᑏᑦ

ᕉᐱ ᒪᓂᕋᔭᖅ ᓯᓵᓯᐱ ᑖᕝᓂ ᑐᒃᑑ ᑰᑦᔪᐊᕌᐱᒃ ᔮᓂ ᖃᓴᑦᓗᐊᒃ ᐅᒥᐅᔭᒃ ᔫᐱ ᐅᐃᑖᓗᒃᑐᒃ ᐃᓄᒃᔪᐊᖅ ᐁᓴ ᓱᕈᓯᓚᒃ ᐳᕕᕐᓂᑐᖅ ᐃᓓ ᐊᖏᔫᖅ ᐊᑯᓕᕕᒃ ᐸᐅᓗᓯ ᑕᕐᕆᐊᓱᒃ ᐃᕗᔨᕕᒃ ᐋᑕᒥ ᑫᑦᑕᒃ ᓴᓪᓗᐃᑦ ᒣᑯᓪ ᕿᓰᖅ ᑲᖏᕐᓱᔪᐊᒃ ᔮᓂ ᐅᕝᕙᐅᑦ ᖁᐊᕐᑕᖅ ᓄᐊ ᐃᑦᑐᒃ ᑲᖏᕐᓱᒃ ᔮᓂ ᐊᒃᐹᖃᑦᑕᒃ ᐊᐅᐸᓗᒃ ᐱᓕ ᑖᓐ ᒣ ᑕᓯᐅᔭᖅ ᔮᔨ ᖃᐅᒃᑲᐃ ᑰᑦᔪᐊᒃ ᔦᑯ ᐊᕐᓇᑐᒃ ᑲᖏᕐᓱᐊᓗᑦᔪᐊᒃ
04

ᑲᑎᒪᔩᑦ

ᑭᒡᒐᑐᕐᑐᒍᑦ ᓄᓇᕕᒻᒥᐅᑦ ᐃᓄᖏᓐᓂᒃ ᐊᑦᔨᒌᖕᖏᑐᓂ ᓂᕐᔪᑎᓕᕆᓂᕐᒥ ᑲᑎᒪᔨᓂ ᐱᓇᓱᖃᑎᒌᑦᑎᓂᓪᓗ ᓄᓇᓕᓕᒫᓐᓂ, ᓄᓇᐅᑉ ᐊᕕᑦᑐᓯᒪᓂᖓᓂ ᑲᓇᑕᒥᓪᓗ. ᑐᑭᒧᐊᑦᑎᓯᓂᖃᕐᓱᑕ, ᑐᑭᑖᕐᓂᓂᒃ ᐊᔪᖀᒋᐊᕐᓂᖃᕐᓱᑕᓗ ᓂᕐᔪᑎᓕᕆᓂᕐᓅᓕᖓᔪᑦ ᐃᓱᐃᓗᑕᖏᓐᓂ ᐊᐅᓚᑦᓯᓂᓕᕆᔨᓄᑦ ᐊᓯᖏᓐᓄᓗ ᓄᓇᕕᒻᒥ ᐱᓇᓱᕝᕕᓄᑦ, ᓱᕐᖁᐃᓯᓯᒪᔭᖃᕐᓂᒧᑦ ᐃᓄᐃᑦ ᖃᐅᔨᒪᓂᖃᕐᓂᖓᑕ ᐃᓪᓕᕆᔭᐅᑦᓯᐊᓂᖓᓂᒃ ᐱᒋᔭᐅᖏᓐᓇᓂᖓᓂᓪᓗ.

ᖃᓄᐃᑦᑐᑐᐃᓐᓀᑦ ᐃᓱᐃᓗᑌᑦ ᑲᒪᒋᔭᐅᓲᑦ ᑖᒃᑯᓇᓂ ᑲᑎᒪᓂᕐᓂ, ᐃᑉᐱᒋᔭᖃᕐᓱᑎᒃ ᓄᓇᕕᒻᒥ ᓂᕐᔪᑏᑦ ᐱᑕᖃᕐᓂᖏᓐᓂᒃ, ᐃᓗᓯᕐᓲᑎᖏᓐᓂᒃ ᐱᔭᐅᒍᓐᓇᓂᖏᓐᓂᓗ ᒪᙯᑦᑎᓄᑦ ᐃᓄᓐᓄᑦ. ᐃᓚᖏᑦ ᐅᖄᔭᐅᓲᑦ: ᐆᒪᔪᐃᑦ ᓄᖑᑐᐃᓐᓇᑎᑕᐅᑦᑌᓕᔪᑦ ᐊᓪᓚᓯᒪᐅᑎᖏᑦ, ᓴᐳᑎᔭᐅᔪᑦ ᐃᓃᑦ, ᓂᕐᔪᑎᓕᕆᓂᕐᒥ ᐊᐅᓚᑦᓯᓂᓕᕆᓂᕐᒧᑦ ᐸᕐᓀᕈᑏᑦ, ᐆᒪᔪᐃᑦ ᐃᓗᓯᕐᓲᑎᖏᑦ, ᐅᓄᕐᓂᖏᑦᑕ ᖃᐅᔨᓴᕐᑕᐅᓂᖏᑦ, ᖃᐅᔨᓴᕐᓂᒧᑦ ᐊᖏᕐᑕᐅᒋᐊᓖᑦ ᐃᑉᐱᔭᐅᓂᖏᓪᓗ, ᓯᕗᓪᓕᐸᐅᔨᒋᐊᓖᑦ ᑮᓇᐅᔭᖃᕐᑎᑕᐅᓂᕐᓄᑦ, ᒥᑭᔫᑎᑦᓯᒋᐊᕐᓂᒧᑦ ᓱᕐᕃᓂᖏᓐᓂᒃ ᐅᔭᕋᓐᓂᐊᑦ ᐊᐅᓚᒍᑏᓪᓗ. ᖃᓄᐃᑦᑐᑐᐃᓐᓀᑦ ᐃᓱᐃᓗᑌᑦ ᑲᒪᒋᔭᐅᓲᑦ ᑖᒃᑯᓇᓂ ᑲᑎᒪᓂᕐᓂ, ᐃᑉᐱᒋᔭᖃᕐᓱᑎᒃ ᓄᓇᕕᒻᒥ ᓂᕐᔪᑏᑦ ᐱᑕᖃᕐᓂᖏᓐᓂᒃ, ᐃᓗᓯᕐᓲᑎᖏᓐᓂᒃ ᐱᔭᐅᒍᓐᓇᓂᖏᓐᓂᓗ ᒪᙯᑦᑎᓄᑦ ᐃᓄᓐᓄᑦ. ᐃᓚᖏᑦ ᐅᖄᔭᐅᓲᑦ: ᐆᒪᔪᐃᑦ ᓄᖑᑐᐃᓐᓇᑎᑕᐅᑦᑌᓕᔪᑦ ᐊᓪᓚᓯᒪᐅᑎᖏᑦ, ᓴᐳᑎᔭᐅᔪᑦ ᐃᓃᑦ, ᓂᕐᔪᑎᓕᕆᓂᕐᒥ ᐊᐅᓚᑦᓯᓂᓕᕆᓂᕐᒧᑦ ᐸᕐᓀᕈᑏᑦ, ᐆᒪᔪᐃᑦ ᐃᓗᓯᕐᓲᑎᖏᑦ, ᐅᓄᕐᓂᖏᑦᑕ ᖃᐅᔨᓴᕐᑕᐅᓂᖏᑦ, ᖃᐅᔨᓴᕐᓂᒧᑦ ᐊᖏᕐᑕᐅᒋᐊᓖᑦ ᐃᑉᐱᔭᐅᓂᖏᓪᓗ, ᓯᕗᓪᓕᐸᐅᔨᒋᐊᓖᑦ ᑮᓇᐅᔭᖃᕐᑎᑕᐅᓂᕐᓄᑦ, ᒥᑭᔫᑎᑦᓯᒋᐊᕐᓂᒧᑦ ᓱᕐᕃᓂᖏᓐᓂᒃ ᐅᔭᕋᓐᓂᐊᑦ ᐊᐅᓚᒍᑏᓪᓗ.

ᐃᓚᐅᓃᑦ ᑲᑎᒪᓂᕐᓄᑦ ᑖᒃᑯᓄᖓ ᐱᓇᓱᖃᑎᑦᑕ ᑐᖕᖓᕕᐅᕗᖅ ᓱᕐᖁᐃᓯᓯᒪᔭᖃᕐᓂᒧᑦ ᓯᕗᓪᓕᐸᐅᑎᔭᐅᒋᐊᖃᕐᓂᖏᓐᓂᒃ ᐃᓄᐃᑦ ᖃᐅᔨᒪᓂᖃᕐᓂᖏᑦᑕ ᐊᐅᓚᑦᒥᓂᓕᕆᓂᕐᒥ ᓄᓇᕕᐅᑉ ᓄᓇᖓᓂ ᓂᕐᔪᑎᖏᓐᓂᓗ.

ᒪᙯᓂᐅᑉ, ᐃᖃᓪᓕᐊᓂᐅᑉ ᒥᑭᒋᐊᓐᓂᐊᓂᐅᓪᓗ ᐊᑕᐅᑦᓯᑰᕐᑎᑕᐅᓂᖏᓐᓄᑦ ᑲᑎᒪᔩᑦ (HFTCC) ᒪᙯᓐᓂᐅᑉ, ᐃᖃᓪᓕᐊᓂᐅᑉ ᒥᑭᒋᐊᓐᓂᐊᓂᐅᓪᓗ ᐊᑕᐅᑦᓯᑰᕐᑎᑕᐅᓂᖓᓄᑦ ᑲᑎᒪᔩᑦ (HFTCC) ᓄᐃᑕᐅᓯᒪᔪᑦ 1976-ᒥ ᑲᒪᒋᔭᐅᑦᓱᑎᒃ ᔦᒥᓯ ᐯᑉ ᑯᐯᓪᓗ ᑕᕐᕌᖓᑕ ᐊᖏᖃᑎᒌᒍᑎᖓᓄᑦ (JBNQA), ᖃᐅᔨᒪᔨᒻᒪᕇᓪᓗ ᓄᓇᖃᕐᖄᓯᒪᔪᑦ ᑲᕙᒪᖓᓐᓂᑦ ᐱᓯᒪᔪᑦ. HFTCC-ᑯᑦ ᑲᒪᒋᔭᑦᓴᔭᓖᑦ ᕿᓂᕐᕈᓂᕐᓄᑦ, ᐊᐅᓚᑦᓯᓂᕐᓄᑦ ᐃᑉᐱᒋᔭᖃᕐᓂᒧᓪᓗ ᒪᙯᓐᓂᓂᒃ, ᐃᖃᓪᓕᐊᓂᕐᓂᒃ ᒥᑭᒋᐊᓐᓂᐊᓂᕐᓂᓗ ᓄᓇᒦᓐᓃᓪᓗ ᐱᓂᐊᕐᓂᖏᓐᓂ ᐊᖏᖃᑎᒌᓐᓂᐅᑉ ᓄᓇᖃᕐᔨᖏᓐᓂ (ᓯᓈᖏᓐᓂ). HFTCC-ᑯᑦ ᑭᓪᓕᓯᓂᐊᕐᕕᑎᑐᑦ ᐱᐅᓯᖃᕐᒥᔪᑦ ᑲᕙᒪᒃᑯᓄᑦ ᑲᒪᒋᔭᓕᓐᓄᑦ ᐱᖕᖑᑎᑕᐅᓂᖏᓐᓄᑦ ᒪᙯᓐᓂᒥ ᐊᐅᓚᑦᓯᒍᑎᓂ ᐊᐅᓚᑦᓯᓂᓕᕆᓃᓪᓗ ᐋᕐᕿᓯᒪᐅᑎᖏᓐᓂ.
ᔦᒥᓯ ᒣ
ᓇᓄᐃᑦ ᐱᓪᓗᑯᒋᐊᓕᓕᕆᔭᐅᓂᖏᓐᓄᑦ ᑲᑎᒪᔩᑦ (PBTC) ᓇᓄᐃᑦ ᐱᓪᓗᑯᒋᐊᓕᓕᕆᔭᐅᓂᖓᓄᑦ ᑲᑎᒪᔩᑦ (PBTC) ᕿᒥᕐᕈᓲᑦ ᓱᑯᐃᔦᓂᑦᑎᒍᑦ ᖃᐅᔨᓴᐅᑎᓂᒃ ᓄᓇᖃᕐᖄᓯᒪᔪᐃᓪᓗ ᖃᐅᔨᒪᐅᓯᖏᓐᓂᒃ ᐱᕐᖁᓯᕐᑎᒍᑦ ᓄᐃᑦᓯᓂᕐᒧᑦ ᐊᕐᕌᒍᑕᒫᑦ ᖃᓄᐃᑦᑑᓂᕆᓲᖏᓐᓂᒃ ᖃᐅᔨᓴᕐᓂᒥ ᓄᓇᕐᓂᒃ ᑲᓇᑕᒥ. ᑭᒡᒐᑐᕐᑏᑦ ᐃᓚᓖᑦ ᓱᕐᖁᐃᓯᒐᓱᐊᕐᑎᓂᒃ, ᓄᓇᖃᕐᖄᓯᒪᔪᑦ ᖃᐅᔨᒪᔨᒻᒪᕆᖏᓐᓂᒃ, ᓂᕐᔪᑎᓕᕆᓂᕐᒥ ᐊᐅᓚᑦᓯᓂᓕᕆᔩᑦ ᑲᑎᒪᔨᖏᓐᓂᒃ, ᓯᓚᕐᔪᐊᒥᓪᓗ ᐱᓇᓱᖃᑎᓂᒃ ᐊᐅᓚᑦᓯᓲᓂ ᐅᓄᕐᓂᖏᓐᓂᒃ ᑲᓇᑕᒥ. ᑕᒪᒃᑯᐊ ᖃᓄᐃᑦᑑᓃᑦ ᖃᐅᔨᓴᕐᑕᐅᓂᖏᑦ ᐅᓐᓂᑑᑎᖏᓪᓗ ᓴᐳᑎᓯᒪᓂᕐᒧᑦ ᓇᓄᐃᑦ ᐊᐅᓚᑦᓯᓂᕆᓂᕐᒧᑦ ᑲᑎᒪᔨᖏᑦᑕ (PBAC) ᐅᖄᖃᑎᒌᒍᑕᐅᔪᓂ ᐊᑕᐅᑦᓯᑰᕐᑎᑕᐅᔪᓂ ᓇᓄᐃᑦ ᐊᐅᓚᑦᓯᓂᓕᕆᔭᐅᓂᖏᓐᓄᑦ. ᐃᑉᐱᒍᓱᑦᑎᐅᔪᒍᑦ ᙯᖁᔨᓯᒪᑦᓱᑕᓗ ᐃᑉᐱᒍᓱᑦᑎᓂᒃ ᖃᐅᔨᒪᔨᒻᒪᕆᓂᓪᓗ ᑲᑎᒪᓂᕐᓄᑦ.
ᐱᓕ ᐹᓚᓴ
ᒥᑫᓚ ᓃᓕᓐ
ᐅᖓᕙᐅᑉ ᓄᕗᐊᓂ ᑐᒃᑐᓄᑦ ᓄᓇᖃᕐᖄᓯᒪᔪᑦ ᐊᖏᖃᑎᒌᒐᓱᐊᕐᓂᖏᑦ (UPCART) ᐅᖓᕙᐅᑉ ᓄᕗᐊᓂ ᑐᒃᑐᓄᑦ ᓄᓇᖃᕐᖄᓯᒪᔪᑦ ᐊᖏᖃᑎᒌᒐᓱᐊᕐᓂᖏᑦ (UPCART) ᐃᓚᓕᒃ ᐃᓄᓐᓂᒃ ᓄᓇᕕᒻᒥᐅᓂᒃ ᓛᐸᑐᐊᒥᓪᓗ, ᓈᔅᑲᐱᒃᑯᓂᒃ ᑳᒍᐊᒍᐋᑦᓯᒫᒃᑯᑦ, ᐊᓪᓓᑦ ᑲᕙᒪᖓ, ᑯᐯᒻᒥᓗ ᐊᓪᓓᑦ ᓄᓇᓕᖏᑦ. ᑕᒪᒃᑯᐊ ᑭᒡᒐᑐᕐᑎᖏᑦ ᑲᑎᓚᐅᔪᑦ ᓄᐃᑦᓯᓂᕐᒧᑦ ᖃᓄᐃᓘᕈᓯᕐᑖᓂᕐᒧᑦ ᑐᒃᑐᓂᒃ ᓄᖑᑐᐃᓐᓇᑎᑦᓯᑌᓕᓂᕐᒧᑦ ᖃᓄᐃᖕᖏᓯᐊᕆᐊᖃᕐᓂᖏᓐᓄᑦ ᐅᓪᓗᒥ ᓯᕗᓂᕐᒥᓗ. 2017-ᒥ, UPCART-ᑯᑦ ᓄᐃᑦᓯᒋᐊᖕᖓᓚᐅᔪᑦ ᖃᓄᐃᓘᕈᓯᕐᒥᒃ ᑌᔭᐅᔪᒥᒃ “ᑌᑦᓱᒪᓂᐊᓗᒃ ᓯᕗᓂᕐᒥ: ᑐᒃᑐᐃᑦ ᐅᖓᕙᒥᐅᓪᓗ ᐃᓄᖏᑦ”, ᖃᓄᐃᓘᕈᑎᑦᓴᖃᕐᑎᒡᓂᒧᑦ ᑐᑭᒧᐊᒍᑎᑦᓴᖃᕐᓂᒧᑦ ᑐᒃᑐᐃᑦ ᐊᐅᓚᑕᐅᓂᖏᓐᓂ ᐅᖓᕙᐅᑉ ᓄᕗᐊᓂ.
ᔦᒥᓯ ᒣ
ᓄᓇᕕᒻᒥ ᑐᒃᑐᐃᑦ ᓴᐳᑎᔭᐅᓂᖏᓐᓄᑦ ᐸᕐᓇᓯᒪᐅᑎᖃᕐᓂᒧᑦ ᑲᑎᒪᔩᑦ ᓄᓇᕕᒻᒥ ᑐᒃᑐᐃᑦ ᓴᐳᑎᔭᐅᓂᖏᓐᓄᑦ ᐸᕐᓇᓯᒪᐅᑎᖃᕐᓂᒧᑦ ᑲᑎᒪᔩᑦ ᐸᕐᓇᓯᒪᐅᑎᓕᐅᕐᑐᑦ ᓄᓇᕕᒻᒥ ᑐᒃᑐᐃᑦ ᓴᐳᑎᔭᐅᓂᖏᓐᓄᑦ, ᖃᓄᐃᓘᕈᑎᑦᓴᖃᕐᑎᓯᓚᖓᔪᓄᑦ ᐊᐅᓚᑦᓯᓂᖏᓐᓂᒃ ᑐᒃᑐᓕᒫᓂᒃ ᓄᓇᕕᒻᒥ. ᓴᐳᑦᔨᓂᕐᒧᑦ ᐸᕐᓇᓯᒪᐅᑎ ᑐᖕᖓᕕᖃᓚᖓᔪᖅ ᐃᓄᐃᑦ ᖃᐅᔨᒪᐅᓯᖏᓐᓂᒃ ᑐᒃᑐᓅᓕᖓᔪᓂᒃ ᑐᓴᕐᑎᓯᒍᑎᓂᒃ ᐊᐅᓚᑦᓯᓂᓕᕆᓂᕐᒧᓗ ᖃᓄᐃᓘᕈᓯᓕᐅᕐᓂᓂᒃ UPCART-ᑎᒍᑦ. ᐱᑦᔪᑎᖓ ᓴᐳᑦᔨᓯᒪᓂᐅᑉ ᐸᕐᓇᓯᒪᐅᑎᖓᑕ ᐃᓗᓯᕐᓱᓯᐊᕐᑐᓂᒃ ᑐᒃᑐᖃᕐᓂᒨᓕᖓᕗᖅ ᓯᕗᓂᕐᒥ ᑭᖑᕚᑦᑎᓄᑦ ᓄᓇᕕᒻᒥ, ᑲᔪᓯᑎᑦᓯᒋᐊᕐᓂᒧᑦ ᓄᓇᕕᒻᒥ ᐃᓄᐃᑦ ᓇᒻᒥᓂᖅ ᐊᐅᓚᑦᓯᔭᖃᕐᓂᒧᑦ ᓂᕐᔪᑎᓕᕆᓂᕐᓂ, ᓲᖑᓯᑎᑦᓯᒋᐊᕐᓂᒧᓪᓗ ᐊᐅᓚᑦᓯᒍᓐᓇᓂᕐᒥᒃ. ᓯᕗᓕᕐᑐᒍᑦ ᐱᖕᖑᑎᑕᐅᓂᖓᓄᑦ ᑕᒪᒃᑯᐊ ᐸᕐᓇᓯᒪᐅᑏᑦ ᐱᓇᓱᖃᑎᒌᑦᓱᒋᑦ ᒪᑭᕝᕕᑯᑦ, ᑐᑭᒧᐊᑦᑕᐅᓱᑎᓗ ᓯᕗᒡᒐᑕᕐᑏᑦ ᑲᑎᒪᔨᖏᓐᓄᑦ ᖃᐅᔨᒪᓂᕐᑕᓕᓐᓄᑦ ᒪᙯᑦᑎᓄᑦ ᐃᓄᑐᖃᕐᓄᓗ.
ᔦᒥᓯ ᒣ ᐱᓕ ᐹᓚᓴ
ᒥᑫᓚ ᓃᓕᓐ
ᐊᑕᓐᓂᐅᕕᒃ ᓯᕗᒡᒐᑕᕐᑏᑦ ᑲᑎᒪᔨᖏᑦ ᓯᕗᒡᒐᑕᕐᑏᑦ ᑲᑎᒪᔨᖏᑦ ᐱᖕᖑᓯᐊᕐᐸᓕᐊᔪᑦ ᓄᐃᑦᓯᓱᑎᓗ ᓄᑖᒥᒃ ᖃᐅᔨᓴᕐᓂᒧᑦ ᐊᐅᓚᑦᓯᔨᐅᓂᕐᒥ, ᐊᑕᓐᓂᐅᕕᒃ, ᓱᕐᖁᐃᓯᓯᒪᔨᐅᓚᖓᑦᓱᓂ ᐃᓄᐃᑦ ᐃᓪᓕᕆᔭᖏᑦᑕ ᓲᓱᒋᔭᐅᒋᐊᖃᕐᓂᖏᓐᓂᒃ ᖃᐅᔨᓴᕐᓂᓕᒫᓂ ᓄᓇᕕᒻᒥ ᐊᑑᑎᔭᐅᔪᓂ. ᓯᕗᒡᒐᑕᕐᑏᑦ ᐋᕐᕿᓱᐃᕗᑦ ᖃᓄᐃᓘᕈᑎᑦᓴᖃᕐᓂᖏᓐᓂᒃ ᐊᐅᓚᒍᓯᑦᓴᖏᓐᓂᓗ ᐊᑕᓐᓂᐅᕕᒃᑯᑦ ᐱᓇᓱᕝᕕᖓ ᐊᐅᓚᑦᓯᐊᓚᕆᒍᓐᓇᓯᓛᕐᒪᑦ ᐊᕐᕌᒎᓚᖓᔪᓂ.
ᒥᑫᓚ ᓃᓕᓐ
ᐆᒪᔪᕐᓂᒥ ᓂᕿᖃᕆᐊᖃᕐᓂᒥᓪᓗ ᐱᓇᓱᖃᑎᒌᑦᑐᑦ ᐆᒪᔪᕐᓂᒥ ᓂᕿᖃᕆᐊᖃᕐᓂᒥᓪᓗ ᐱᓇᓱᖃᑎᒌᑦᑐᑦ ᐃᓚᒋᔭᐅᓯᒪᕗᑦ ᑕᓪᓕᒣᓄᑦ ᐱᓇᓱᖃᑎᒌᑦᑐᓄᑦ (ᐆᒪᔪᕐᓂᒥ ᓂᕿᖃᕆᐊᖃᕐᓂᒥᓪᓗ, ᐃᓗᕐᖁᓯᖅ ᐃᓕᓐᓂᐊᓂᕐᓗ, ᐃᓗᓯᕐᓱᓯᐊᕐᓂᖅ ᐊᑦᑕᓇᕐᑐᒦᖕᖏᓂᕐᓗ, ᓇᒻᒥᓂᖅ ᐆᒪᒐᓱᐊᕐᓂᖅ ᓇᒻᒥᓂᕐᓗ ᐱᓇᓱᒐᖃᕐᓂᖅ, ᐃᓪᓗᖁᑏᑦ ᓄᓇᓖᓪᓗ ᐱᒍᑦᔨᒍᑎᖏᑦ) ᐱᓇᓱᐊᕐᓱᑎᒃ ᐱᖕᖑᑎᑦᓯᓂᕐᒧᑦ ᓄᓇᕕᒻᒥ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᓱᖏᐅᑎᔭᖃᕈᓐᓇᓂᕐᒧᑦ ᖃᓄᐃᓘᕈᑎᑦᓴᖃᕐᓂᒧᑦ (NCCAS) ᑲᑎᒪᓂᐊᕈᑎᑎᒍᑦ ᑲᑎᒪᓂᑦᑎᒍᓪᓗ. ᖃᓄᐃᓘᕈᑎᑦᓴᖅ, ᐊᐅᓚᑕᐅᔪᖅ ᒪᑭᕝᕕᑯᓐᓄᑦ, ᐱᓇᓱᐊᕐᓂᖃᓲᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᑕ ᐊᕐᓱᕉᓚᕐᓇᑐᖏᓐᓄᑦ ᖃᓄᕐᑑᕈᑎᓄᓪᓗ ᓱᖏᐅᑎᔭᖃᕐᓯᒪᓂᕐᒧᑦ ᓄᓇᕕᒻᒥ. ᖃᓄᐃᓘᕈᑎᑦᓴᖃᕐᓂᖅ ᐱᔭᕇᕆᐊᕕᑦᑐᖅ, ᑲᑎᒪᔩᑦ ᓄᑖᑦ ᓄᐃᑕᐅᓚᐅᕐᑎᓗᒋᑦ: ᓄᓇᓕᓕᒫᓂ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᑲᑎᒪᔩᑦ ᑲᒪᖃᑦᑕᓂᐊᕐᓱᑎᒃ ᐊᑐᓕᕐᑎᑕᐅᓂᖏᑦᑕ NCCAS-ᑯᑦ.
ᒥᑫᓚ ᓃᓕᓐ
ᑲᓇᑕᒥ ᐃᓄᐃᑦ ᓂᕐᔪᑎᓕᕆᓂᕐᒥ ᑲᑎᒪᔩᑦ (NIWC) ᑲᓇᑕᒥ ᐃᓄᐃᑦ ᓂᕐᔪᑎᓕᕆᓂᕐᒥ ᑲᑎᒪᔩᑦ (NIWC) ᑐᖕᖓᕕᓖᑦ ᐃᓄᐃᑦ ᑕᐱᕇᑦ ᑲᓇᑕᒥ (ITK) ᑲᑎᒪᔨᒻᒪᕆᒋᔭᐅᑦᓱᑎᓗ ᐃᓄᐃᑦ ᑭᒡᒐᑐᕐᑎᖏᓐᓄᑦ ᐱᓇᓱᕝᕕᖏᑦᑕ ᑲᓇᑕᓕᒫᒥ ᐅᖄᖃᑎᒌᒍᑎᖃᕐᓂᒧᑦ ᐊᑕᐅᑦᓯᑰᕐᑎᑕᐅᓂᖏᑦᑕ ᓂᕐᔪᑎᓕᕆᓂᕐᒥ ᖃᐅᔨᓴᕐᓃᑦ ᐊᐅᓚᑦᓯᓂᓕᕆᓂᕐᒥᓗ ᓱᒋᐊᕐᓂᓄᑦ. ᐅᖄᖃᑎᒌᓐᓃᑦ ᐃᓚᖃᓲᑦ ᑲᓇᑕᓕᒫᒥ ᓂᕐᔪᑎᓕᕆᓂᕐᒥ ᐊᐅᓚᑦᓯᓂᐅᑉ ᐋᕐᕿᓯᒪᐅᑎᖏᓐᓂᒃ ᓯᕗᓪᓕᐸᐅᑎᔭᐅᒋᐊᖃᕐᓂᖏᓐᓄᓗ ᐃᓄᐃᑦ ᖃᐅᔨᒪᓂᖃᕐᓂᖏᑦᑕ ᑕᒪᒃᑯᓇᓂ. ᑲᑎᒪᔩᑦ ᐃᓚᖃᓲᑦ ᐃᓄᐃᑦ ᑕᐱᕇᑦ ᑲᓇᑕᒥ ᐱᔪᓂᒃ, ᓄᓇᕗᑦ, ᓄᓇᑦᓯᐊᕗᑦ, ᓄᓇᕗᑦ ᐊᒻᒪᓗ ᐃᓄᕕᐊᓗᐃᑦ ᓄᓇᖃᕐᓂᖏᑕ ᓄᓇᓕᓕᒫᖏᓐᓂ.
ᑖᓂᐊ ᐅᕝᕙᐅᑦ
ᒥᑫᓚ ᓃᓕᓐ
ᓄᓇᕕᒻᒥ ᑎᒥᒧᑦ ᐱᐅᔪᓂᒃ ᓂᕿᓕᕆᓂᖅ ᐃᓗᓯᕐᓱᓯᐊᕐᓂᒧᓪᓗ ᑲᑎᒪᔩᑦ (NRBHSS) ᓄᓇᕕᒻᒥ ᑎᒥᒧᑦ ᐱᐅᔪᓂᒃ ᓂᕿᓕᕆᓂᕐᒥ ᐃᓗᓯᕐᓱᓯᐊᕐᓂᒧᓪᓗ ᑲᑎᒪᔩᑦ (NNHC) ᐊᔪᖀᒋᐊᕐᑎᐅᕗᑦ ᑐᑭᒧᐊᑦᑎᓯᔨᖓᓄᑦ ᑭᓇᓕᒫᒃᑯᑦ ᐃᓗᓯᓕᕆᕕᖓᓂᒃ. ᑐᕌᒐᓱᐊᕐᑕᖓ NNHC-ᑯᑦ ᓱᕐᖁᐃᓯᓯᒪᓂᐅᕗᖅ ᓄᓇᓕᓕᒫᑦ ᐊᑕᐅᑦᓯᑰᕐᑎᑕᐅᓂᖏᓐᓂᒃ ᑐᓴᐅᒪᖃᑎᒌᒍᑎᖃᕐᓂᖏᓐᓂᓗ ᐃᓱᐃᓗᑕᓄᑦ ᐊᕙᑎᒥ ᐃᓗᓯᕐᓱᓯᐊᕐᓇᖏᑦᑐᓂᒃ, ᑎᒥᒧᑦ ᐱᐅᓂᕐᓂᒃ ᓂᕿᓕᕆᓂᕐᒥ ᓱᒃᑯᓇᕐᑐᖃᑐᐃᓐᓇᕆᐊᓖᓪᓗ. ᐱᓗᐊᕐᑐᒥᒃ, NNHC-ᑯᑦ ᐱᑐᑦᓯᒪᐅᑎᐅᑦᓱᓂ ᖃᐅᔨᓴᕐᑎᓄᑦ ᓄᓇᕕᒻᒥᓗ ᓄᓇᓕᓐᓄᑦ ᑐᓴᐅᒪᔭᐅᒋᐊᓕᓐᓂᓗ ᑐᓴᐅᑎᑦᓯᓲᖑᑦᓱᑎᒃ ᑭᓇᓕᒫᒃᑯᑦ ᑐᑭᓯᒪᒋᐊᖃᕐᓂᖏᓐᓂᒃ ᐃᓗᓕᖏᓐᓂᒃ ᐊᕙᑎᖃᕐᓂᒧᑦ ᐃᓗᓯᕐᓱᓯᐊᕐᓇᑐᒥᒃ ᓱᒃᑯᓇᕐᑐᖃᑐᐃᓐᓇᕆᐊᖃᕐᓂᓂᓪᓗ ᓄᓇᕕᒻᒥ. ᐃᓚᐅᓲᖑᔪᒍᑦ NNHC-ᑯᓄᑦ ᐅᖄᖃᑎᒌᓐᓂᓄᓗᐊᖕᖑᐊᖅ ᐆᒪᔪᕐᓂᐅᓲᑦ ᑐᓴᐅᒪᔭᐅᒋᐊᓕᖏᓐᓄᑦ ᓱᒃᑯᓇᕐᑐᑕᖃᑐᐃᓐᓇᕆᐊᖃᕐᓂᓄᓪᓗ ᓂᕐᔪᑎᓂ.
ᒥᑫᓚ ᓃᓕᓐ
ᐃᒥᓕᒃ, ᑰᕕᒃ, ᑕᓯᐅᔭᕐᔪᐊᒥ ᓯᕿᓂᐅᑉ ᓂᐱᕕᐊᓂ ᑲᑎᒪᔩᑦ ᐃᒥᓕᒃ, ᑰᕕᒃ, ᑕᓯᐅᔭᕐᔪᐊᒥ ᓯᕿᓂᐅᑉ ᓂᐱᕕᐊᓂ ᑲᑎᒪᔩᑦ ᐃᑉᐱᒋᖃᓲᑦ ᓄᓇᓕᓕᒫᓅᓕᖓᔪᓂᒃ ᐃᓱᒫᓘᑎᓂᒃ ᐊᐅᓚᑦᓯᓂᓕᕆᓂᕐᒥᓗ ᓂᕐᔪᑎᓂᒃ. ᑕᒪᒃᑯᐊ ᑲᑎᒪᔩᑦ ᑲᑎᑦᑎᓯᓲᑦ ᐊᖓᕕᒑᐱᒃᑯᑦ ᑭᒡᒐᑐᕐᑎᖏᓐᓂᒃ ᖃᓂᑦᑐᒥ ᓄᓇᓕᒻᒥ ᑲᑎᒪᓂᒻᒪᕆᖕᖑᓱᑎᒃ ᐅᖄᖃᑎᒌᒍᑎᖃᕐᓂᒧᑦ ᖃᐅᔨᒪᓂᕐᒥᓂᒃ ᒪᙯᓐᓂᒥ ᓂᕐᔪᑎᓂᓪᓗ ᐊᐅᓚᑦᓯᓂᓕᕆᐅᑎᓂ.
ᔦᒥᓯ ᒣ , ᐱᓕ ᐹᓚᓴ ᑖᓂᐊ ᐅᕝᕙᐅᑦ
05

ᐊᑑᑎᓯᒪᔪᑦ

ᐱᓇᓱᕝᕕᕗᑦ ᓄᐃᑕᐅᓯᒪᔪᖅ ᒣ 17, 1993-ᒥ ᐱᒍᑦᔨᓱᓂ ᐱᓇᓱᕝᕕᒥᒃ ᑎᓕᔭᐅᒪᐅᑎᓕᒃᑯᑦ ᓄᓇᕕᒻᒥᐅᑦ ᐃᓄᐃᑦ ᒪᙯᑦᑎᖏᑦᑕ ᑭᒡᒐᑐᕐᑕᐅᓂᖏᓐᓂᒃ ᓂᕐᔪᑎᓕᕆᓂᓕᒫᕐᓂ ᐃᓱᐃᓗᑕᓄᑦ, ᓄᓇᒥ ᐃᒪᕕᒻᒥᓗ. ᐱᓇᓱᕝᕕᖑᕐᓯᒪᔪᒍᑦ ᐃᓕᑕᕆᔭᐅᓂᕐᑖᓱᑕ ᖄᖏᓐᓂᑯᓕᐅᕐᑎᐅᖏᑦᑐᒥᒃ ᑲᑐᑦᔨᖃᑎᒌᓐᓂᒧᑦ ᑯᐯᒻᒥ ᐱᓇᓱᕝᕖᑦ ᒪᓕᒐᖏᓐᓂ ᒣ 5, 1995-ᒥ.

ᐃᓄᒃᑎᑐᑦ, ᐱᓇᓱᕝᕕᕗᑦ ᐊᑦᓯᔭᐅᓯᒪᔪᖅ ᐱᕐᖁᓯᑐᖃᑦᑯᑦ ᐱᐅᒃᑯᑎᒥᒃ, ᐊᖑᕕᒐᕐᒥᒃ. ᖃᓪᓗᓈᑎᑐᑦ ᑌᔭᐅᓲᖑᑦᓱᑕ “ᓄᓇᕕᒻᒥ ᒪᙯᓐᓂᒥ ᕿᖃᓪᓕᐊᓂᕐᒥ ᒥᑭᒋᐊᓐᓂᐊᓂᕐᒥᓗ ᑲᑐᑦᔨᖃᑎᒌᑦᑏᑦ” (NHFTA). ᐊᓪᓚᕕᕗᑦ ᓄᐃᑕᐅᓯᒪᔪᖅ ᑰᑦᔪᐊᒥ ᓯᑕᒪᓂᒃ ᐳᕐᑐᓂᕐᓴᑕᖃᕐᓱᓂ ᓂᕈᐊᕐᑕᐅᓱᑎᓗ ᓄᓇᕕᒻᒥ ᒪᙯᑦᑎᓄᑦ ᑭᒡᒐᑐᕐᑎᓄᑦ ᐃᓱᒫᓗᑎᒥᓂᒃ ᓯᕗᓪᓕᐸᐅᑎᒋᐊᓕᓐᓂᓗ. ᐳᕐᑐᓂᕐᓴᖏᑦᑕ ᐃᓚᖓ ᓂᕈᐊᕐᑕᐅᓯᒪᔪᖅ ᒪᙯᓐᓂᖅ ᐃᖃᓪᓕᐊᓂᖅ ᒥᑭᒋᐊᓐᓂᐊᓂᕐᒧᓗ ᑲᑐᑦᔨᖃᑎᒌᑦᑎᓄᑦ, (HFTCC), ᑎᓕᔭᐅᒪᐅᑎᖃᕐᓱᑎᒃ ᐊᕕᑦᑐᓯᒪᐅᑎᑎᒍᑦ 24-ᒥ ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᓐᓂᖓᓂ ᕿᒥᕐᕈᓂᕐᒧᑦ, ᐊᐅᓚᑦᓯᓂᕐᒧᑦ ᐃᑉᐱᒋᔭᖃᕐᓂᒧᓪᓗ ᒪᙯᓐᓂᓂᒃ, ᐃᖃᓕᐊᓂᕐᓂᒃ ᒥᑭᒋᐊᓐᓂᐊᓂᕐᓂᓗ ᓄᓇᖃᕐᕕᖏᓐᓂ.

2008-ᒥ, ᓄᓇᕕᒻᒥ ᐃᓄᐃᑦ ᓄᓇᖃᕐᓂᒧᑦ ᐊᖏᖃᑎᒌᒍᑎᖓ (NILCA) ᓄᐃᓚᐅᔪᕗᖅ, ᐃᓕᑕᕐᓯᐅᑎᐅᓕᕐᓱᓂ ᓯᓈᖏᓐᓂ ᓂᕐᔪᑎᓕᕆᓃᑦ ᐊᐅᓚᑦᓯᓂᓕᕆᔭᐅᓂᖏᓐᓂᒃ ᑎᓕᔭᐅᒪᐅᑎᖏᓐᓂ ᐊᖑᕕᒑᐱᒃᑯᑦ ᑎᓕᔭᐅᓂᖏᑦᑕᓗ ᐱᓇᓱᕝᕕᕗᑦᑕ ᓄᑖᒥᒃ ᐊᑦᓯᔭᐅᑦᓱᓂ: ᓄᓇᓕᓕᒫᓂ ᓄᓇᕕᒻᒥ ᐆᒪᔪᓕᕆᔩᑦ ᑲᑐᑦᔨᖃᑎᒌᓐᓂᖓᓂᒃ (RNUK).

ᖁᓕᓪᓗ ᑕᓪᓕᒪᓪᓗ ᓄᓇᓕᓐᓂ ᑲᑐᑦᔨᖃᑎᒌᓐᓃᑦ ᑌᒣᑦᑐᓭᓐᓇᑎᒎᓚᐅᔪᑦ ᓯᕕᑭᓐᓂᓴᒃᑯᖔᖅ ᓄᓇᓕᓐᓂ ᐊᑐᓂᑦ. ᐊᖑᕕᒑᐱᒃᑯᑦ (ᓄᓇᓕᒻᒥ ᒪᙯᓐᓂᒥ ᐃᖃᓪᓕᐊᓂᕐᒥ ᒥᑭᒋᐊᓐᓂᐊᓂᕐᒥᓗ ᑲᑐᑦᔨᖃᑎᒌᓐᓂᖓᑦ) ᓇᓗᓀᕐᑕᐅᒍᑎᖃᕐᓯᒪᒐᓗᐊᕐᓱᑎᒃ ᐊᑦᔨᐅᖏᑦᑑᓂᕐᒥᒍ5 ᐱᓇᓱᕝᕕᐅᓱᑎᒃ ᑯᐯᑉ ᐊᓪᓚᑕᐅᓯᒪᕕᖓᓂ, ᑲᒪᒋᔭᑦᓴᔭᐅᔪᐃᓐᓇᐅᓕᕐᓱᑎᒃ ᐊᖑᕕᒐᒃᑯᓄᑦ/ NHFTA-ᑯᓄᑦ ᐊᑕᐅᓯᐅᓕᕐᓯᒪᔪᓄᓪᓗ ᐋᕐᕿᓯᒪᐅᑎᒧᑦ, ᑮᓇᐅᔭᖃᕐᑎᑕᐅᓂᕐᒧᑦ, ᐱᒋᐅᕐᓴᑎᑕᐅᓂᕐᒧᑦ ᐊᐅᓚᒍᓯᕐᒧᓗ. ᑲᑎᒪᔩᑦ ᓄᓇᓕᓕᒫᓂ ᐱᓇᓱᕝᕕᓂ ᐃᓚᓖᑦ ᐊᖓᔪᕐᖄᖏᓐᓂᒃ ᐊᖑᕕᒑᐱᒃᑯᑦ.