ᓂᕈᐊᕐᓂᖃᕆᐊᕕᓕᕐᖁᖅ

ᓂᕈᐊᕐᓂᐅᓛᕐᑐᖅ ᐳᕐᑐᓂᕐᓴᒥ ᐃᓃᓐᓅᓕᖓᔪᖅ: ᐊᖓᔪᕐᖄᑉ ᑐᖓᓕᖓ ᐊᒻᒪᓗ ᑮᓇᐅᔭᓕᕆᔨ

ᐅᓪᓗᑕᒫᑦ ᐱᓂᐊᕐᓃᑦ

ᐊᖑᕕᒐᒃᑯᑦ ᐳᕐᑐᓂᕐᓴᖏᑦ ᑲᑎᓯᓲᑦ ᐊᐅᓚᑦᓯᓂᓕᕆᓂᕐᒥ ᑲᑎᒪᔨᖏᑦ, ᑲᑎᒪᓂᕐᓄᑦ ᐃᓚᐅᑦᓱᑎᒃ, ᑐᓴᐅᒪᖃᑎᒌᒍᑎᖃᕐᓱᑎᒃ ᓴᐳᑦᔨᓂᕐᒧᓗ ᓄᓇᓕᒻᒥ ᒪᙯᓐᓂᒥ ᐃᖃᓪᓕᐊᓂᕐᒥ ᒥᑭᒋᐊᓐᓂᐊᓂᕐᒥᓗ ᑲᑐᑦᔨᖃᑎᒌᓐᓂᓂᒃ (ᐊᖑᕕᒑᐲᑦ), ᐸᓐᓀᓃᑦ ᒪᙯᓐᓂᓄᑦ, ᕿᒥᕐᕈᓂᕐᒧᓗ ᐊᐅᓚᑦᓯᓂᓕᕆᓂᕐᒥ ᑐᑭᑖᕈᑕᐅᔪᓂᒃ. ᖃᓄᐃᓘᕐᑎᐅᓂᖃᕐᒥᔫᒃ ᒪᓕᑦᓱᒋᑦ ᐱᓇᓱᒐᖏᑦᑕ ᓱᓇᐅᓂᖏᑦ.

ᐱᓇᓱᓐᓇᐅᑉ ᑫᕙᓪᓚᒍᓯᖏᑦ

ᐳᕐᑐᓂᕐᓴᐃᑦ ᑲᑎᖕᖓᔩᑦ ᐱᓇᓱᓲᖑᕗᑦ 9ᖕᖑᒥ ᐅᓪᓛᑯᑦ 5ᖕᖑᒧᑦ ᕿᑎᕋᓕᕇᒧᑦ ᐊᓪᓕᑐᖃᕇᒥᑦ ᓂᕿᑦᓯᕕᒻᒧᑦ

• ᑎᓕᔨᓐᓇᐅᑉ ᐅᓪᓗᖁᑎᖏᑦ: ᐊᒥᕃᔭᐅᑦ 17, 2024 at 09:00 - ᐊᕐᓇᓕᖕᖒᑎᕕᒃ 7, 2024 at 17:00
• ᑎᓕᔭᐅᓯᒪᓕᕐᑐᑦ ᑐᓴᕐᓴᕈᕐᑕᐅᓂᖏᑦ: ᐊᕐᓇᓕᖕᖒᑎᕕᒃ 10, 2024
• ᓂᕈᐊᕐᑕᐅᑎᒐᓱᐊᕈᑏᑦ: ᐊᕐᓇᓕᖕᖒᑎᕕᒃ 24, 2024
• ᓂᕈᐊᕐᓇᖅ: ᐊᕐᓇᓕᖕᖒᑎᕕᒃ 24, 2024

ᐅᑯᐊ ᑎᓕᔭᐅᕐᖃᔭᖕᖏᑐᑦ ᓂᕈᐊᕐᑕᐅᖃᔭᕋᑎᓪᓘᓃᑦ ᐳᕐᑐᓂᕐᓴᓄᑦ ᐱᓇᓱᕝᕕᒥ:

• ᑭᓇᑐᐃᓐᓇᖅ ᐊᑑᑎᕐᖃᔭᖕᖏᑐᖅ ᐱᔪᓐᓇᓂᖃᕈᑎᖃᕐᓂᑯᑦ ᐱᕙᓪᓕᖁᑎᑖᕐᖃᔭᖕᖏᑐᕐᓘᓃᑦ ᒪᓕᑦᓱᒋᑦ ᒪᓕᒐᖏᑦ ᐊᓪᓓᑦ, ᐃᓄᐃᑦ ᓈᔅᑲᐲᓪᓗ (RLRQ, Chap. A-33.1);
• ᑭᓇᑐᐃᓐᓇᖅ ᑮᓇᐅᔭᒃᑯᕕᑎᒍᑦ ᓱᕐᖃᔦᕐᓯᒪᐅᑎᓕᒃ;
• ᑭᓇᑐᐃᓐᓇᖅ ᐱᖁᔭᑎᒍᑦ ᐸᓯᔭᑦᓯᓕᐊᖕᖑᓯᒪᐅᑎᓕᒃ ᐱᓂᕐᓗᓯᒪᐅᑎᓕᒃ ᑎᒍᔭᐅᒪᓂᕐᒧᑦ ᐊᕐᕌᒎᓐᓄᑦ ᒪᕐᕉᓄᑦ ᐅᖓᑖᓄᓪᓘᓃᑦ; ᑌᒣᑦᑐᓂᒃ ᐱᕐᖃᔭᖕᖏᓯᒪᐅᑎᓖᑦ ᑲᔪᓯᒍᑎᖃᕈᓐᓇᑐᑦ ᐱᕐᖃᔭᖕᖏᕈᑎᖏᑦ ᐊᕐᕌᒍᓄᑦ ᑕᓪᓗᒪᓄᑦ ᑎᒍᔭᐅᒪᔪᕕᓂᐅᓕᕐᓗᑎᒃ, ᐊᑭᓕᑦᓴᑖᕐᓯᒪᑐᐃᓐᓇᕈᑎᒃ ᑎᒍᔭᐅᒍᑎᑦᓴᖏᓪᓘᓃᑦ ᓄᕐᖃᑎᑕᕕᓂᐅᑉᐸᑕ, ᐃᓛᓂᐅᖕᖏᑑᕐᑕᐅᒍᑎᑖᕐᓯᒪᖕᖏᑯᓂ ᐱᓂᕐᓗᓯᒪᐅᑎᒥᓐᓄᑦ;
• ᑭᓇᑐᐃᓐᓇᖅ ᐊᑭᓕᑦᓴᒪᕆᓕᒃ ᐱᓇᓱᕝᕕᒧᑦ ᐅᕝᕙᓘᓐᓃᑦ ᓄᓇᓕᒻᒥ ᑲᑐᑦᔨᖃᑎᒌᑦᑐᓄᑦ ᐊᑭᓕᕋᑦᓴᙯᓐᓇᑐᖅ ᐅᓪᓗᐃᑦ 90 ᐅᖓᑖᓄᑦ; ᐅᕝᕙᓘᓐᓃᑦ ᑭᓇᑐᐃᓐᓇᖅ ᐊᑭᓖᓛᕐᓂᕋᐅᑎᒥᓂᒃ ᒪᓕᑦᓯᐊᓂᖕᖏᑐᖅ ᐊᑭᓕᑦᓴᙯᓐᓇᓯᑦᓱᓂ
• ᑭᓇᑐᐃᓐᓇᖅ, ᐳᕐᑐᓂᕐᓴᐅᑉ ᐊᓯᖓ, ᐱᓇᓱᑦᑎ ᐱᓇᓱᕝᕕᒥ, ᓄᓇᓕᒻᒥ ᑲᑐᑦᔨᖃᑎᒌᑦᑐᓂ, ᐅᕝᕙᓘᓐᓃᑦ ᐃᑲᔪᕐᓯᔨᖏᓐᓂ.