ᐆᒪᔪᐃᑦ ᐃᑉᐱᒋᔭᐅᓂᖏᑦ ᐊᒻᒪᓗ ᓯᑯ ᖃᕆᑕᐅᔭᕈᑎᒃ

ᑖᓐᓇ  ᐱᓇᓱᐊᕐᑕᐅᔪᖅ  ᑐᕌᒐᓱᐊᕐᑕᓕᒃ  ᓄᓇᓕᒻᒥ  ᐊᐅᓚᑕᐅᑎᓪᓗᒍ  ᐃᑉᐱᒋᔭᖃᐅᑎᖃᕐᓂᒧᑦ  ᓯᓚᐅᑉ  ᐊᓯᑦᔨᐸᓪᓕᐊᓂᖓᓂᒃ  ᐊᕙᑎᒥᓪᓗ ᓯᕗᓕᕐᓂᖃᕐᓂᒥ  ᓄᓇᕕᓕᒫᒥ.   ᐊᑐᖃᑦᑕᓕᕐᑐᒍᑦ  ᓯᑯᒥᒃ  ᖃᕆᑕᐅᔭᕈᑎᒥᒃ  ᑲᑎᕐᓱᐃᒍᑎᒋᑦᓱᒍ  ᐃᑉᐱᒍᓲᑎᓂᒃ  ᓯᑯᐃᑦ  ᖃᓄᐃᑦᑑᓂᖏᓐᓂᒃ,  ᓱᒃᑯᑎᕐᓇᑐᑦ ᑎᑭᓐᓂᖏᓐᓂᒃ,  ᐆᒪᔪᐃᑦ  ᐃᑉᐱᒋᔭᐅᓂᖏᑦ  ᐊᒻᒪᓗ  ᐆᒪᔪᐃᑦ  ᐃᓗᓯᕐᓲᑎᖏᓐᓂᒃ.   ᑲᑎᒪᓂᐊᕈᓯᖃᕐᑎᓯᓯᒪᓕᕐᑐᒍᑦ  ᓄᓇᓕᓐᓂ  ᐊᑐᓂᑦ ᐱᒋᐅᕐᓴᑎᑦᓯᓂᕐᒧᑦ  ᒪᙯᑦᑎᓂᒃ  ᐱᓇᓲᑎᐅᑉ  ᑖᑦᓱᒪ  ᐊᑐᕐᑕᐅᕈᓯᖓᓂᒃ  ᐊᑭᓕᕐᑐᓱᒋᓪᓗ  ᓄᐃᑦᓯᓂᖏᓐᓄᑦ  ᐃᑉᐱᒍᓲᑎᖏᓐᓂᒃ  ᒪᙯᓐᓂᒥᓂ  ᐃᑉᐱᒋᔭᖃᕐᓂᒧᑦ  ᐆᒪᔪᓂᒃ  ᓄᓇᓕᓕᒫᓂ.